6. Arswyda'r cenhedloedd rhagddynt,a gwelwa pob wyneb.
7. Rhuthrant fel milwyr,dringant y mur fel rhyfelwyr;cerdda pob un yn ei flaenheb wyro o'i reng.
8. Ni wthiant ar draws ei gilydd,dilyn pob un ei lwybr ei hun;er y saethau, ymosodantac ni ellir eu hatal.
9. Rhuthrant yn erbyn y ddinas,rhedant dros ei muriau,dringant i fyny i'r tai,ânt i mewn trwy'r ffenestri fel lladron.
10. Ysgwyd y ddaear o'u blaena chryna'r nefoedd.Bydd yr haul a'r lleuad yn tywyllua'r sêr yn atal eu goleuni.
11. Cwyd yr ARGLWYDD ei lef ar flaen ei fyddin;y mae ei lu yn fawr iawn,a'r un sy'n cyflawni ei air yn gryf.Oherwydd mawr yw dydd yr ARGLWYDD,ac ofnadwy, a phwy a'i deil?