1. Atebodd Job:
2. “Am ba hyd y blinwch fi,a'm dryllio â geiriau?
3. Yr ydych wedi fy ngwawdio ddengwaith,ac nid oes arnoch gywilydd fy mhoeni.
4. Os yw'n wir imi gyfeiliorni,onid arnaf fi fy hun y mae'r bai?
5. Os ydych yn wir yn eich gwneud eich hunain yn well na mi,ac yn fy nghondemnio o achos fy ngwarth,
6. ystyriwch yn awr mai Duw sydd wedi gwneud cam â mi,ac wedi taflu ei rwyd o'm hamgylch.
7. Os gwaeddaf, ‘Trais’, ni chaf ateb;os ceisiaf help, ni chaf farn deg.
8. Caeodd fy ffordd fel na allaf ddianc,a gwnaeth fy llwybr yn dywyll o'm blaen.