7. Beichiogodd Bilha morwyn Rachel eilwaith, ac esgor ar ail fab i Jacob.
8. Yna dywedodd Rachel, “Yr wyf wedi ymdrechu'n galed yn erbyn fy chwaer, a llwyddo.” Felly galwodd ef Nafftali.
9. Pan welodd Lea ei bod wedi peidio â geni plant, cymerodd ei morwyn Silpa a'i rhoi'n wraig i Jacob.
10. Yna esgorodd Silpa morwyn Lea ar fab i Jacob,
11. a dywedodd Lea, “Ffawd dda.” Felly galwodd ef Gad.
12. Esgorodd Silpa morwyn Lea ar ail fab i Jacob,
13. a dywedodd Lea, “Dedwydd wyf! Bydd y merched yn fy ngalw yn ddedwydd.” Felly galwodd ef Aser.
14. Yn nyddiau'r cynhaeaf gwenith aeth Reuben allan a chael mandragorau yn y maes, a'u rhoi i Lea ei fam. Yna dywedodd Rachel wrth Lea, “Rho imi rai o fandragorau dy fab.”