5. Y mae pob un o eiriau Duw wedi ei brofi;y mae ef yn darian i'r rhai sy'n ymddiried ynddo.
6. Paid ag ychwanegu dim at ei eiriau,rhag iddo dy geryddu, a'th gael yn gelwyddog.
7. Gofynnaf am ddau beth gennyt;paid â'u gwrthod cyn imi farw:
8. symud wagedd a chelwydd ymhell oddi wrthyf;paid â rhoi imi dlodi na chyfoeth;portha fi â'm dogn o fwyd,
9. rhag imi deimlo ar ben fy nigon, a'th wadu,a dweud, “Pwy yw'r ARGLWYDD?”Neu rhag imi fynd yn dlawd, a throi'n lleidr,a gwneud drwg i enw fy Nuw.
10. Paid â difrïo gwas wrth ei feistr,rhag iddo dy felltithio, a'th gael yn euog.
11. Y mae rhai yn melltithio'u tad,ac yn amharchu eu mam.
12. Y mae rhai yn bur yn eu golwg eu hunain,ond heb eu glanhau o'u haflendid.
13. Y mae rhai yn ymddwyn yn falch,a'u golygon yn uchel.
14. Y mae rhai â'u dannedd fel cleddyfau,a'u genau fel cyllyll,yn difa'r tlawd o'r tir,a'r anghenus o blith pobl.
15. Y mae gan y gele ddwy ferchsy'n dweud, “Dyro, dyro.”Y mae tri pheth na ellir eu digoni,ie, pedwar nad ydynt byth yn dweud, “Digon”: