1. Mwy dymunol yw enw da na chyfoeth lawer,a gwell yw parch nag arian ac aur.
2. Y mae un peth yn gyffredin i gyfoethog a thlawd:yr ARGLWYDD a'u creodd ill dau.
3. Y mae'r craff yn gweld perygl ac yn ei osgoi,ond y gwirion yn mynd rhagddo ac yn talu am hynny.
4. Gwobr gostyngeiddrwydd ac ofn yr ARGLWYDDyw cyfoeth, anrhydedd a bywyd.
5. Y mae drain a maglau ar ffordd y gwrthnysig,ond y mae'r un gwyliadwrus yn cadw draw oddi wrthynt.
6. Hyffordda blentyn ar ddechrau ei daith,ac ni thry oddi wrthi pan heneiddia.
7. Y mae'r cyfoethog yn rheoli'r tlawd,ac y mae'r benthyciwr yn was i'r echwynnwr.
8. Y mae'r un sy'n hau anghyfiawnder yn medi gofid,a bydd gwialen ei ymffrost yn methu.
9. Bendithir yr un haelam ei fod yn rhannu ei fara i'r tlawd.
10. Bwrw allan y gwatwarwr, a cheir terfyn ar ymryson,a diwedd ar ddadlau a gwawd.