2. Ond daeth gair yr ARGLWYDD at Semeia, gŵr Duw:
3. “Dywed wrth Rehoboam fab Solomon, brenin Jwda, ac wrth holl Israel yn Jwda a Benjamin,
4. ‘Fel hyn y dywed yr ARGLWYDD: Peidiwch â mynd i ryfela yn erbyn eich perthnasau; ewch yn ôl adref bob un, gan mai oddi wrthyf fi y daw hyn.’ ” A gwrandawsant ar eiriau'r ARGLWYDD, a pheidio â mynd yn erbyn Jeroboam.
5. Arhosodd Rehoboam yn Jerwsalem, ac adeiladu dinasoedd caerog yn Jwda.
6. Adeiladodd Bethlehem, Etam, Tecoa,
7. Beth-sur, Socho, Adulam,
8. Gath, Maresa, Siff,
9. Adoraim, Lachis, Aseca,
10. Sora, Ajalon a Hebron, sef dinasoedd caerog Jwda a Benjamin.