1. Tro dy glust ataf, ARGLWYDD, ac ateb fi,oherwydd tlawd ac anghenus ydwyf.
2. Arbed fy mywyd, oherwydd teyrngar wyf fi;gwared dy was sy'n ymddiried ynot.
3. Ti yw fy Nuw; bydd drugarog wrthyf, O Arglwydd,oherwydd arnat ti y gwaeddaf trwy'r dydd.
4. Llawenha enaid dy was,oherwydd atat ti, Arglwydd, y dyrchafaf fy enaid.
5. Yr wyt ti, Arglwydd, yn dda a maddeugar,ac yn llawn trugaredd i bawb sy'n galw arnat.
6. Clyw, O ARGLWYDD, fy ngweddi,a gwrando ar fy ymbil.
7. Yn nydd fy nghyfyngder galwaf arnat,oherwydd yr wyt ti yn fy ateb.