13. Yn gwbl ofer y cedwais fy nghalon yn lân,a golchi fy nwylo am fy mod yn ddieuog;
14. ar hyd y dydd yr wyf wedi fy mhoenydio,ac fe'm cosbir bob bore.
15. Pe buaswn wedi dweud, “Fel hyn y siaradaf”,buaswn wedi bradychu cenhedlaeth dy blant.
16. Ond pan geisiais ddeall hyn,yr oedd yn rhy anodd i mi,
17. nes imi fynd i gysegr Duw;yno y gwelais eu diwedd.
18. Yn sicr, yr wyt yn eu gosod ar fannau llithrig,ac yn gwneud iddynt syrthio i ddistryw.
19. Fe ânt i ddinistr ar amrantiad,fe'u cipir yn llwyr gan ddychrynfeydd.
20. Fel breuddwyd ar ôl ymysgwyd, y maent wedi mynd;wrth ddeffro fe'u diystyrir fel hunllef.