1. Geiriau Lemuel brenin Massa, y rhai a ddysgodd ei fam iddo:
2. Beth yw hyn, fy mab, mab fy nghroth?Beth yw hyn, mab fy addunedau?
3. Paid â threulio dy nerth gyda merched,na'th fywyd gyda'r rhai sy'n dinistrio brenhinoedd.
4. Nid gweddus i frenhinoedd, O Lemuel,nid gweddus i frenhinoedd yfed gwin,ac nid gweddus i reolwyr flysio diod gadarn,
5. rhag iddynt yfed, ac anghofio'r hyn a ddeddfwyd,a gwyrdroi achos y rhai gorthrymedig i gyd.
6. Rhowch ddiod gadarn i'r un sydd ar ddarfod,a gwin i'r chwerw ei ysbryd;
7. cânt hwy yfed ac anghofio'u tlodi,a pheidio â chofio'u gofid byth mwy.
8. Dadlau o blaid y mud,a thros achos yr holl rai diobaith.