18. Tlodi a gwarth sydd i'r un sy'n anwybyddu disgyblaeth,ond anrhydeddir y sawl sy'n derbyn cerydd.
19. Y mae dymuniad a gyflawnir yn felys ei flas,ond cas gan ffyliaid droi oddi wrth ddrwg.
20. Trwy rodio gyda'r doeth ceir doethineb,ond daw niwed o aros yng nghwmni ffyliaid.
21. Y mae dinistr yn dilyn pechaduriaid,ond daioni yw gwobr y cyfiawn.
22. Gedy'r daionus etifeddiaeth i'w blant,ond rhoddir cyfoeth pechadur i'r cyfiawn.
23. Ceir digon o fwyd ym mraenar y tlodion,ond heb gyfiawnder fe ddiflanna.
24. Casáu ei fab a wna'r un sy'n arbed y wialen,ond ei garu y mae'r sawl a rydd gerydd cyson.
25. Y mae'r cyfiawn yn bwyta hyd ddigon,ond gwag fydd bol y drygionus.