Hen Destament

Testament Newydd

Deuteronomium 32:21-33 Beibl Cymraeg Newydd Diwygiedig 2004 (BCN)

21. Gwnaethant fi'n eiddigeddus wrth un nad yw'n dduw,a'm digio â'u heilunod;gwnaf finnau hwy'n eiddigeddus wrth bobl nad yw'n bobl,a'u digio â chenedl ynfyd.

22. “Yn ddiau, cyneuwyd tân gan fy nig,ac fe lysg hyd waelod Sheol;bydd yn ysu'r tir a'i gynnyrch,ac yn ffaglu seiliau'r mynyddoedd.

23. Pentyrraf ddrygau arnynt,saethaf atynt bob saeth sydd gennyf:

24. nychdod newyn, anrheithiau twymyn,a dinistr chwerw.Anfonaf ddannedd bwystfilod yn eu herbyna gwenwyn ymlusgiaid y llwch.

25. Oddi allan bydd y cleddyf yn creu amddifaid,ac yn y cartref bydd arswyd;trewir y gwŷr ifainc a'r gwyryfon fel ei gilydd,y baban sugno yn ogystal â'r hynafgwr.

26. “Fy mwriad oedd eu gwasgaru,a pheri i bob coffa amdanynt ddarfod,

27. oni bai imi ofni y byddai'r gelyn yn eu gwawdio,a'u gwrthwynebwyr yn camddealla dweud, ‘Ein llaw ni sydd wedi trechu;nid yr ARGLWYDD a wnaeth hyn oll.’ ”

28. Cenedl brin o gyngor ydynt,heb ddealltwriaeth ganddynt;

29. gresyn na fyddent yn ddigon doeth i sylweddoli hynac i amgyffred beth fydd eu diwedd!

30. Sut y gall un ymlid mil,neu ddau yrru myrdd ar ffo,oni bai fod eu Craig wedi eu gwerthu,a'r ARGLWYDD wedi eu caethiwo?

31. Oherwydd nid yw eu craig hwy yn debyg i'n Craig ni,fel y mae ein gelynion yn cydnabod.

32. Daw eu gwinwydd o Sodomac o feysydd Gomorra;grawnwin gwenwynig sydd arnynt,yn sypiau chwerw.

33. Gwenwyn seirff yw eu gwin,poeryn angheuol asbiaid.

Darllenwch bennod gyflawn Deuteronomium 32