33. Duw yw fy nghaer gadarn,sy'n gwneud fy ffordd yn ddifeius.
34. Gwna fy nhraed fel rhai ewig,a'm gosod yn gadarn ar y mynyddoedd.
35. Y mae'n dysgu i'm dwylo ryfela,i'm breichiau dynnu bwa pres.
36. Rhoist imi dy darian i'm gwaredu,a'm gwneud yn fawr trwy dy ofal.
37. Rhoist imi le llydan i'm camau,ac ni lithrodd fy nhraed.
38. Yr wyf yn ymlid fy ngelynion ac yn eu distrywio;ni ddychwelaf nes eu difetha.
39. Yr wyf yn eu difa a'u trywanu fel na allant godi,ac y maent yn syrthio dan fy nhraed.
40. Yr wyt wedi fy ngwregysu â nerth i'r frwydr,a darostwng fy ngelynion danaf.
41. Gosodaist fy nhroed ar eu gwddf,a gwneud imi ddifetha'r rhai sy'n fy nghasáu.
42. Y maent yn gweiddi, ond nid oes gwaredydd,yn galw ar yr ARGLWYDD, ond nid yw'n eu hateb.