1. Ginoo nga among Agalon,ang imong pagkagamhanan makita sa tibuok kalibotan!Ginadayeg ang imong gahom dinhi sa yuta hangtod sa kalangitan.
2. Gitudloan mo ang gagmayng mga bata sa pagdayeg kanimo,aron maulawan ang imong mga kaaway nga buot manimalos.
3. Kon motan-aw ako sa langit nga imong gihimo,ug makita ko ang bulan ug ang mga bitoon nga imong gibutang sa ilang nahimutangan,
4. makapangutana ako sa akong kaugalingon,“Unsa ba ang tawo nga gitagaan mo man gayod siya ug bili?Tawo man lang siya, nganong ginakabalak-an mo man gayod siya?”