1. Ang malumanay nga tubag makahupay sa kasuko, apan ang singhag makapaalsa sa dugo.
2. Ang mga pulong sa maalamon nga tawo makahatag ug kaalam, apan puro lang kabuang ang mogawas sa baba sa tawong buang-buang.
3. Makita sa Ginoo ang tanan, bisan asang dapita. Nagatan-aw siya sa mga binuhatan sa mga daotan ug sa mga matarong.
4. Ang malumo nga mga pulong makaayo sa kinabuhi sa tawo, apan ang sakit nga mga pulong makapasakit sa dughan.
5. Ang buang-buang nga tawo dili manumbaling kon badlongon sa iyang amahan ang iyang pamatasan, apan ang maalamon mopatuo.
6. Modaghan ang bahandi sa mga matarong, apan ang iya sa mga daotan mahanaw.
7. Imantala sa mga maalamon ang kaalam; dili kini mahimo sa mga buang-buang.