31. Kay ang Ginoo dili mosalikway kanato hangtod sa kahangtoran.
32. Bisan tuod hatagan niya kitag mga kalisod, kaloy-an gihapon niya kita tungod sa iyang dako ug matinud-anong gugma.
33. Kay dili niya tuyo ang pagpaantos ug pagsakit kanato.
34-35. Dili buot sa Labing Halangdong Dios nga daog-daogon ang mga binilanggo o hikawan ang usa ka tawo sa iyang katungod.
36. Dili usab gusto ang Ginoo nga tuison ang hustisya diha sa mga hukmanan. Nakita niya kining tanan.
37. Walay bisan unsa nga mahitabo nga walay pagtugot sa Ginoo.
38. Dili ba nga ang Labing Halangdong Dios ang nagabuot kon mahitabo ang usa ka butang — daotan man o maayo kini?
39. Nganong moreklamo man kita kon silotan kita tungod sa atong mga sala?