Ang ubang mga Israelinhon, apil ang mga pari, mga Levita, mga sulugoon sa templo, ug ang mga kaliwat sa mga sulugoon ni Solomon, nagpabilin sa ilang kaugalingong mga yuta nga anaa sa nagkalain-laing mga lungsod sa Juda. Ang ubang mga katawhan sa Juda ug Benjamin nagpuyo sa Jerusalem.Mao kini ang mga pangulo sa mga probinsya sa Juda ug Benjamin nga nagpuyo sa Jerusalem.Gikan sa tribo ni Juda:Si Ataya nga anak ni Uzia (si Uzia anak ni Zacarias; si Zacarias anak ni Amaria; si Amaria anak ni Shefatia; ug si Shefatia anak ni Mahalalel nga gikan sa kaliwat ni Perez);