8. Ang panit sa mananap nga ihalad isip halad nga sinunog iya usab sa pari nga naghalad niini.
9. Sama usab sa tanang halad sa pagpasidungog sa Ginoo, nga giluto sa pugon o giluto sa kaldero o sa kalaha, iya na usab kini sa pari nga naghalad niini.
10. Ang tanan nga halad sa pagpasidungog sa Ginoo, nga sinagolan ug mantika o wala, iya na sa mga pari nga kaliwat ni Aaron ug angayon kini nila pagbahin-bahin.
11. Mao kini ang mga patakaran mahitungod sa halad alang sa maayong relasyon nga ihalad sa Ginoo:
12. Kon ang mananap nga halad alang sa maayong relasyon mao ang ihalad sa tawo isip pagpasalamat, apilan niya kini ug pan. Magdala siyag pan nga walay patubo: pan nga baga nga sinagolan ug mantika, pan nga nipis nga pinahiran ug mantika, ug pan nga hinimo sa pinakamaayong klase sa harina nga sinagolan ug mantika.