1. Gisugo sa Ginoo si Moises ug si Aaron
2. nga isulti nila kini sa mga Israelinhon:Kon dunay manggawas sa kinatawo sa usa ka lalaki tungod sa sakit, kanang manggawas isipon nga hugaw.
3. Ug bisan nagapadayon kini sa pagtulo o wala, isipon gihapon siyang hugaw.
4. Ang bisan unsa nga iyang mahigdaan o malingkoran mahimong hugaw.
5-7. Ug si bisan kinsa nga makahikap kaniya o sa iyang gihigdaan o gilingkoran, kinahanglan labhan niya ang iyang bisti ug maligo, apan isipon pa gihapon siya nga hugaw hangtod sa pagsalop sa adlaw.