1-2. Nasakop na sa mga Israelinhon ang mga yuta sa sidlakan sa Jordan, gikan sa Lugut sa Arnon hangtod sa Bukid sa Hermon lakip niini ang yuta sa sidlakan nga bahin sa Kapatagan sa Jordan. Mao kini ang mga hari niadtong mga dapita nga gipildi sa mga Israelinhon:Si Sihon nga Amornon nga nagapuyo sa Heshbon. Sakop sa iyang gingharian ang katunga sa Gilead. Naggikan kini sa Aroer nga anaa sa kilid sa Lugut sa Arnon (lakip na niini ang lungsod taliwala niini nga lugut) hangtod sa Lugut sa Jabok, ang utlanan sa mga Ammonhon.
3. Sakop usab niya ang sidlakang bahin sa Kapatagan sa Jordan, gikan sa Linaw sa Galilea hangtod sa Bet Jeshimot, sa sidlakang bahin sa Patay nga Dagat, ug hangtod pa gayod sa habagatan sa ubos nga bahin sa Pisga.
4. Ang ikaduha mao si Og, ang hari sa Bashan. Usa siya sa mga nahibiling kaliwat sa Refaimnon. Nagapuyo siya sa Ashtarot ug sa Edrei.
5. Ang sakop sa iyang gingharian mao ang Bukid sa Hermon, Saleca, ang tibuok Bashan hangtod sa utlanan sa Geshur ug Maaca, ug ang katunga sa Gilead, hangtod sa utlanan sa Heshbon nga sakop sa teritoryo ni Haring Sihon.
6. Gipildi sila ni Moises, nga alagad sa Ginoo, ug sa mga Israelinhon. Gihatag ni Moises ang ilang yuta sa tribo ni Reuben, Gad ug sa katunga sa tribo ni Manase ingon nga ilang panulondon.
7-8. Nasakop usab ni Josue ug sa mga Israelinhon ang mga yuta sa kasadpang bahin sa Jordan, gikan sa Baal Gad sa Kapatagan sa Lebanon hangtod sa Bukid sa Halak patungas sa Seir. Gihatag ni Josue kini nga mga yuta ngadto sa mga Israelinhon isip ilang panulondon. Gibahin niya kini sumala sa ilang tribo. Lakip niini nga yuta ang mga bukid, ang kabungtoran sa kasadpan, ang Kapatagan sa Jordan, ang ubos nga mga bahin, ang disyerto sa habagatan, ug ang Negev. Gipuy-an kini kaniadto sa mga Hithanon, Amornon, Canaanhon, Periznon, Hivhanon, ug mga Jebusnon. Mao kini ang mga hari niadtong mga dapita nga gipangpildi ni Josue ug sa mga Israelinhon:
9. hari sa Jericohari sa Ai (duol sa Betel)
10. hari sa Jerusalemhari sa Hebron
11. hari sa Jarmuthari sa Lakish
12. hari sa Eglonhari sa Gezer
13. hari sa Debirhari sa Geder
14. hari sa Hormahari sa Arad
15. hari sa Libnahari sa Adulam
16. hari sa Makedahari sa Betel
17. hari sa Tapuahari sa Hefer
18. hari sa Afekhari sa Lasharon
19. hari sa Madonhari sa Hazor
20. hari sa Shimron Meronhari sa Acshaf
21. hari sa Taanachari sa Megido
22. hari sa Kedeshhari sa Jokneam (sa Carmel)
23. hari sa Dor (sa Nafat Dor)hari sa Goyim (sa Gilgal)
24. hari sa Tirza.Ang tanan 31 ka mga hari.