12. Mamatay kini dayon samtang nagtubo pa lang ug dili pa angay nga putlon.
13. Sama usab niana ang dangatan sa tanang mga tawo nga nagatalikod sa Dios. Walay paglaom ang tawo nga dili diosnon.
14. Ang tanan nga iyang gisaligan huyang sama sa balay sa lawalawa.
15. Kon mosandig siya niini, mangabugto dayon; mokapyot siya apan mangatangtang kini.
16. Kon tan-awon morag maayo ang iyang kahimtang, sama sa tanom nga nabuboan pag-ayo ug nasidlakan sa adlaw. Milabong kini sa tamnanan
17. ug nanggamot pag-ayo sa kabatohan.
18. Apan kon maibot kini, wala nay manumbaling niini.
19. Mao na kanay kataposan sa iyang kinabuhi, ug may mopuli nga tanom sa yuta nga iyang gituboan.