1. Mao kini ang gisulat nga estorya mahitungod sa mga kaliwat ni Adan.Sa paghimo sa Dios sa tawo, gihimo niya kining sama kaniya.
2. Gihimo niya ang lalaki ug babaye, ug gipanalanginan niya sila ug gitawag nga “tawo.”
3. Sa dihang nag-edad na si Adan ug 130 ka tuig, natawo ang iyang anak nga liwat gayod kaniya. Ginganlan niya kinig Set.
4. Human matawo si Set, nagkinabuhi pa si Adan ug 800 ka tuig ug nadugangan pa ang iyang mga anak.
5. Namatay siya sa edad nga 930.
6. Sa dihang nag-edad na si Set ug 105 ka tuig, natawo ang iyang anak nga lalaki nga si Enosh.
7. Human matawo si Enosh, nagkinabuhi pa si Set ug 807 ka tuig ug nadugangan pa ang iyang mga anak.
8. Namatay siya sa edad nga 912.
9. Sa dihang nag-edad na si Enosh ug 90 ka tuig, natawo ang iyang anak nga lalaki nga si Kenan.
10. Human matawo si Kenan, nagkinabuhi pa si Enosh ug 815 ka tuig ug nadugangan pa ang iyang mga anak.
11. Namatay siya sa edad nga 905.
12. Sa dihang nag-edad na si Kenan ug 70 ka tuig, natawo ang iyang anak nga lalaki nga si Mahalalel.
13. Human matawo si Mahalalel, nagkinabuhi pa si Kenan ug 840 ka tuig ug nadugangan pa ang iyang mga anak.
14. Namatay siya sa edad nga 910.
15. Sa dihang nag-edad na si Mahalalel ug 65 ka tuig, natawo ang iyang anak nga lalaki nga si Jared.
16. Human matawo si Jared, nagkinabuhi pa si Mahalalel ug 830 ka tuig ug nadugangan pa ang iyang mga anak.
17. Namatay siya sa edad nga 895.
18. Sa dihang nag-edad na si Jared ug 162 ka tuig, natawo ang iyang anak nga lalaki nga si Enoc.
19. Human matawo si Enoc, nagkinabuhi pa si Jared ug 800 ka tuig ug nadugangan pa ang iyang mga anak.
20. Namatay siya sa edad nga 962.
21. Sa dihang nag-edad na si Enoc ug 65 ka tuig, natawo ang iyang anak nga lalaki nga si Metusela.
22-24. Human matawo si Metusela, nagkinabuhi pa si Enoc ug 300 ka tuig ug nadugangan pa ang iyang mga anak. Nagkinabuhi si Enoc nga may suod nga relasyon sa Dios, ug sa nag-edad na siya ug 365 ka tuig nahanaw siya, kay gikuha siya sa Dios.
25. Sa dihang nag-edad na si Metusela ug 187 ka tuig, natawo ang iyang anak nga lalaki nga si Lamec.
26. Human matawo si Lamec, nagkinabuhi pa si Metusela ug 782 ka tuig ug nadugangan pa ang iyang mga anak.
27. Namatay siya sa edad nga 969.
28. Sa dihang nag-edad na si Lamec ug 182 ka tuig, natawo ang usa niya ka anak nga lalaki.
29. Miingon siya, “Kining bataa makatabang kanato gikan sa atong labihan nga kahago tungod sa pagtunglo sa Ginoo sa yuta, busa nganlan ko siya ug Noe.”
30. Human matawo si Noe, nagkinabuhi pa si Lamec ug 595 ka tuig ug nadugangan pa ang iyang mga anak.
31. Namatay siya sa edad nga 777.
32. Sa nakaabot na si Noe ug 500 ka tuig, natawo ang iyang mga anak nga lalaki nga sila si Shem, Ham, ug Jafet.