1. Miingon ang Ginoo kanako,
2. “Tawo, sa unsang paagi nga ang sanga sa ubas mas maayo pa kaysa bisan unsang sanga sa kahoy?
3. Makahimo ba ug bisag unsa gikan sa mga sanga niini? Mahimo ba kining himuon nga sab-itanan?
4. Siyempre dili gayod! Pwede lang kining isugnod; apan bisan pa gani dali ra kaayo kining maupos.
5. Busa kon wala kini pulos sa wala pa masunog, labaw na kon nasunog na kini!
6. “Karon, ako, ang Ginoong Dios, nag-ingon nga ang mga lumulupyo sa Jerusalem nahisama sa ubas nga nagatubo uban sa mga kahoy sa lasang. Tungod kay managsama silang walay pulos, sunogon ko sila.
7. Silotan ko gayod sila. Ug bisan makaikyas pa sila sa kalayo, lamyon gihapon sila sa lain pang kalayo. Unya mahibaloan nila nga ako mao ang Ginoo.
8. Himuon ko nga awaaw nga dapit ang ilang nasod tungod kay nagluib sila kanako. Ako, ang Ginoong Dios, ang nag-ingon niini.”