1. Nag-awit si David ngadto sa Ginoo sa dihang giluwas siya sa Ginoo gikan sa iyang mga kaaway ug kang Saul.
2-3. Mao kini ang iyang awit:“Ikaw, Ginoo, ang akong salipdanan nga bato,ang akong lig-ong tagoanan ug manluluwas.Ingon nga salipdanan nga bato, makatago ako kanimo.Ikaw ang akong taming ug gamhanan nga manluluwas.Ikaw ang akong dalangpanan ug tagoanan.Ikaw ang nagaluwas kanako gikan sa bangis nga mga tawo.
4. Dalaygon ka, Ginoo, kay kon mangayo ako ug tabang kanimo ginaluwas mo ako gikan sa akong mga kaaway.
5. Ang kamatayon daw balod nga mikuso-kuso kanako.Ang kalaglagan daw sulog sa baha nga mianod kanako.
6. Ang kamatayon daw pisi nga milambod kanako ug daw lit-ag nga nagaatang sa akong agianan.