39. Unya gisugo ni Jesus ang iyang mga sumusunod nga palingkoron ang mga tawo nga grupo-grupo diha sa mga sagbot.
40. Busa nanglingkod ang mga tawo sa grupo nga tag-100 ug tag-50.
41. Unya, gikuha ni Jesus ang lima ka pan ug duha ka isda. Mihangad siya sa langit ug nagpasalamat sa Dios. Ug gipikas-pikas niya ang mga pan ug gihatag ngadto sa iyang mga sumusunod aron iapod-apod sa mga tawo. Ug gibahin-bahin usab niya ang isda sa tanan.
42. Nakakaon silang tanan ug nangabusog.
43. Human makakaon ang tanan, gitigom nila ang mga sobra nga pan ug isda, ug 12 pa ka bukag ang napuno.
44. 5,000 ang gidaghanon sa mga lalaki lang nga nangaon.
45. Human niadto, gisugo dayon ni Jesus ang iyang mga sumusunod nga mosakay sa sakayan ug mouna didto sa Betsaida, sa tabok sa linaw samtang gipapauli niya ang mga tawo.