1. Human niadto, mipauli si Jesus sa iyang lungsod, ug miuban kaniya ang iyang mga sumusunod.
2. Sa pag-abot sa Adlaw nga Igpapahulay nagtudlo siya sa simbahan sa mga Judio. Daghan ang mga tawo didto nga nakadungog kaniya ug natingala gayod sila. Miingon sila, “Nganong daghan mag nasayran kining tawhana? Asa man siya nakakuha niining kaalam? Ug nganong makabuhat man siyag mga milagro?
3. Dili ba siya man ang panday nga anak ni Maria ug mga igsoon niya sila si Santiago, Jose, Judas ug Simon, ug ang mga igsoon niya nga babaye dinhi usab nagapuyo?” Tungod niini dili gayod sila motuo kaniya.