3. Pinaagi kaniya, gibuhat ang tanang mga butang, ug wala gayoy nahimo nga dili pinaagi kaniya.
4. Ang Pulong mao ang gigikanan sa kinabuhi. Ug kini nga kinabuhi sama sa suga kay mao kini ang nagalamdag sa hunahuna sa mga tawo.
5. Kini nga suga mao ang iwag diha sa kangitngit, ug ang iyang kahayag wala mapildi sa kangitngit.
6. Karon, adunay tawo nga gipadala sa Dios. Ang iyang ngalan mao si Juan.
7. Gipadala siya sa Dios sa pagsugilon kon kinsa ang suga, aron pinaagi sa iyang pagsugilon makatuo ang tanang katawhan.
8. Dili si Juan ang suga, apan mianhi siya sa pagsugilon kon kinsa ang suga.
9. Si Jesu-Cristo mao ang tinuod nga suga nga mianhi dinhi sa kalibotan ug naglamdag sa hunahuna sa tanan nga katawhan.
10. Mianhi siya sa kalibotan, apan bisan ug gihimo ang kalibotan pinaagi kaniya, ang mga tawo sa kalibotan wala moila kaniya.