3. Kini sila gidihogan aron mahimong mga pari.
4. Apan si Nadab ug si Abihu nangamatay sa atubangan sa Ginoo sa dihang naghalad silag kalayo nga dili balaan didto sa kamingawan sa Sinai. Wala silay anak busa si Eleazar ug si Itamar na lamang ang nag-alagad ingon nga mga pari sa buhi pa si Aaron.
5. Ang Ginoo miingon kang Moises,
6. “Ipatawag ang banay ni Levi ug dad-a sila ngadto kang Aaron nga pari aron sila mag-alagad kaniya.
7. Mag-alagad sila kang Aaron ug sa katawhan didto sa Tolda nga Tagboanan. Sila maoy mag-atiman sa Tolda ingon nga mga pari.