1. Ipaila, O Ginoo, nga wala akoy salakay matarong man ang akong binuhatan,ug misalig ako kanimo sa hingpit.
2. Susiha ug sulayi ako, O Ginoo.Usisaha ang akong mga tinguha ug mga hunahuna.
3. Ang gugma mong walay paglubad nag-uban kanako,ug nagmatinumanon gayod ako kanimo.
4. Dili ako makig-uban sa mga tawong limbongan;ug dili ako makigsandurot sa mga tigpakaaron-ingnon.
5. Gilikayan ko ang pagpakig-uban sa mga tawong daotan,ug ang pagpakighugoyhugoy sa mga dili matarong.
6. Nanghunaw ako kay wala akoy salaug nagsimba libot sa imong halaran, O Ginoo.
7. Nag-awit akog pasalamatug gisaysay ko ang tanan mong buhat nga katingalahan.
8. Gihigugma ko, O Ginoo,ang imong puloy-anan,ang dapit diin anaa ang imong himaya.
9. Ayaw akog laglaga uban sa mga makasasala;ug ipahilayo ako sa dangatan sa mga mamumuno,
10. sa mga tawo nga kanunay nagbuhat ug daotanug andam sa pagdawat ug suborno.
11. Kay sa akong bahin,gibuhat ko ang matarong;busa luwasa ug kaluy-i intawon ako.
12. Nagbarog ako layo sa katalagman;uban sa nagsimba nga katawhan,daygon ko ang Ginoo.
Basaha ang bug-os nga kapitulo Mga Salmo 26