1. Pamati kay nagtawag ang Kaalam;nagpabati sa iyang tingog ang kahibalo.
2. Anaa siya nagtindog sa kabungtorandaplin sa dalan ug sa mga agianan.
3. Sa ganghaan sa siyudad,duol sa mga pultahan anaa siya magtawag:
4. “O katawhan, nagsangpit ako kaninyo;gitawag ko kamong tanan.
5. O kamong mga walay kasinatian,paningkamot nga mahamtong kamo!O kamong mga buangbuang, paminaw kamo!
6. Paminawa ang lantip kong mga pulong;kamatuoran lamang ang akong isulti;
7. matuod gayod ang akong ipahayagkay dili ko gustog bakak.
8. Matuod ang tanan nga akong isulti,walay bakak o limbong.
9. Sa tawo nga maayog panabot, tin-aw kini;sa tawo nga daghag nahibaloan tataw kining tanan.