37. Magdasmagay sila sa ilang pagpanagan nga daw gigukod ug espada bisag walay naggukod kanila ug dili gayod kamo makasukol sa inyong mga kaaway.
38. Mangamatay kamo didto sa ubang kanasoran ug ilubong kamo didto sa yuta sa inyong mga kaaway.
39. Ang pipila kaninyo nga magpabiling buhi didto sa yuta sa inyong mga kaaway mag-anam ug pangamatay tungod sa inyong mga sala ug sa sala sa inyong katigulangan.
40. “Apan kon moila sila sa ilang pagkadaotan ug sa pagkadaotan sa ilang mga ginikanan gumikan sa ilang pagluib ug pagsukol kanako
41. nga maoy hinungdan nga nakig-away ako kanila ug gidala ko sila ngadto sa yuta sa ilang mga kaaway ug kon ang ilang mga kasingkasing magpaubos ug maghinulsol,
42. hinumdoman ko ang akong kasabotan kang Jacob ug kang Isaac ug kang Abraham ug hinumdoman ko usab ang yuta.
43. Apan ang yuta kinahanglan nga biyaan una nila aron nga kon wala na sila, makapahulay kini. Kinahanglang magbag-o sila sa ilang pagkinabuhi kay gisalikway man nila ang akong mga tulomanon ug mga kasugoan.