1. Human molabay ang taas nga panahon gihatagan sa Ginoo ang Israel ug kalinaw ug wala nay kaaway nga misamok kanila. Niining higayona si Josue tigulang na kaayo.
2. Gitigom niya ang tibuok Israel, ang mga pangulo, ang mga kadagkoan, ang mga maghuhukom ug ang mga punoan sa katawhan ug giingnan, “Tigulang na ako kaayo.
3. Nakita ninyo ang tanan nga gibuhat sa Ginoo nga inyong Dios niining tanang kanasoran tungod kaninyo. Ang Ginoo nga inyong Dios nakig-away alang kaninyo.
4. Ihatag ko sa inyong mga banay ang mga nasod nga nahibilin pa ingon man ang tanang kanasoran nga nailog ko na, gikan sa Jordan sa silangan ngadto sa Dagat sa Mediteraneo sa kasadpan.