34. Tuaw kamog kusog, kamong mga pangulo ug magbalantay sa akong katawhan! Pagbangotan ug pangligid kamo sa yuta! Miabot na gayod ang panahon nga pamatyon ug pangihawon kamo sama sa mga tambok nga laking karnero.
35. Walay kaikyasan ang mga pangulo sa katawhan.
36-37. Motuaw kamo tungod sa kaguol ug moagulo kay gilaglag man sa Ginoo ang inyong nasod tungod sa iyang kapungot ug gigun-ob niya kini.
38. Gibiyaan sa Ginoo ang iyang katawhan sama sa usa ka liyon nga mibiya sa langub nga iyang gipuy-an. Ang makalilisang nga gubat ug mabangis nga kapungot niya naghimo sa ilang nasod nga usa ka diserto.