Daang Tugon

Bag-ong Tugon

Genesis 8:1-7 Ang Bag-ong Maayong Balita Biblia (RCPV)

1. Wala hikalimti sa Dios si Noe ug ang tanang ihalas nga mga mananap ug ang mga kahayopan nga uban kaniya didto sa arka. Nagpahuros ang Dios ug hangin ug misugod paghubas ang tubig.

2. Gitakpan ang mga tubod sa kahiladman sa yuta ingon man ang mga bintana sa langit. Busa miundang ang ulan

3. ug mipadayon paghubas ang tubig. Misugod kini paghubas tapos sa 150 ka adlaw.

4. Unya sa ika-17 nga adlaw sa ikapitong bulan, nahitungtong ang arka sa bukid sa Ararat.

5. Nagpadayon paghubas ang tubig ug sa unang adlaw, sa ikanapulo nga bulan, nakita na ang mga tumoy sa kabukiran.

6. Tapos sa 40 ka adlaw giablihan ni Noe ang bintana sa arka

7. ug gibuhian niya ang usa ka uwak. Wala kini mobalik apan naglupadlupad kini hangtod nga mihubas ang tubig.

Basaha ang bug-os nga kapitulo Genesis 8