17. Ang kinaibabwan may sulod nga nagkalainlaing matang sa pan alang sa Paraon apan gipangaon kini sa mga langgam.”
18. Si Jose mitubag, “Mao kini ang kahulogan: ang tulo ka bukag nagkahulogan ug tulo ka adlaw.
19. Tapos sa tulo ka adlaw ipatawag ka sa Paraon ug palunggoan ka sa ulo. Unya iyang ipabitay ang imong lawas sa kahoy ug kan-on sa mga langgam ang imong unod.”
20. Sa pagka-ikatulong adlaw nga maoy pagsaulog sa adlawng natawhan ni Paraon, nagbangkite siya alang sa tanan niyang opisyal. Gipatawag niya ang iyang tigtagay sa bino ug ang pangulo sa mga panadero ngadto sa atubangan sa iyang mga opisyal.
21. Gipabalik niya ang tigtagay sa bino sa iyang katungdanan
22. apan gipabitay niya ang pangulo sa mga panadero sumala gayod sa giingon ni Jose.
23. Apan ang tigtagay sa bino nalimot kang Jose.