18. Layo pa gani siya, nakakita na kaniya ang iyang mga igsoon. Sa wala pa siya mahiabot kanila, naglaraw sila nga patyon siya.
19. Miingon sila sa usag usa, “Ania na ang tigdamgo.
20. Karon patyon ta siya ug itambog ta ang iyang lawas sa usa sa mga uga nga atabay ug ingnon nato nga gitukob siyag ihalas nga mananap. Tan-awon ta kon matuman ba ang iyang mga damgo.”
21. Nakabati si Ruben sa ilang gipanagsultihan ug gipaningkamotan niya pagluwas si Jose. Miingon siya, “Dili nato siya patyon.
22. Ihulog lang siya dinhi niining atabay sa awaaw apan ayaw ninyo siyag dagmali.” Gisulti kini ni Ruben kay naghunahuna man siya sa pagluwas kang Jose aron iyang dad-on balik sa ilang amahan.