Ako, si Ezequiel nga pari ug anak ni Busi, usa sa mga Judio nga nabihag sa Babilonia ug nagpuyo sa daplin sa Suba sa Kebar. Sa ikalimang adlaw sa ikaupat nga bulan sa ika-30 nga tuig nakita ko nga nabukas ang langit ug nakakita akog panan-awon gikan sa Dios. (Ikalimang tuig kadto sa pagkabihag ni Hari Joaquin). Ang Ginoo mihatag kanakog mensahe didto sa yuta sa Babilonia daplin sa Suba sa Kebar ug gigamhan ako sa Ginoo.