1. Sa unang tuig nga si Dario nga anak ni Ahasuero nga taga-Media nagmando sa gingharian sa mga taga-Babilonia,
2. mibasa ako sa kasulatan. Namalandong ako bahin sa 70 ka tuig nga sumala sa gisulti sa Ginoo kang propeta Jeremias, kinahanglang molabay una sa dili pa matukod pag-usab ang Jerusalem.
3. Unya midangop ako sa Ginoong Dios, pinaagi sa pag-ampo uban sa pagpuasa ug pagbistig sako ug pagbubhog abo.
4. Nag-ampo ako sa Ginoo nga akong Dios ug gisugid ko kaniya ang akong mga sala. Miingon ako, “O Ginoo, gamhanan ka ug Dios nga angay kahadlokan. Nagtuman ka sa imong kasabotan ug ang imong gugma walay paglubad alang niadtong nahigugma kanimo ug nagtamod sa imong kasugoan.
5. Nakasala kami kanimo sa among pagbuhat ug daotan ug sa among pagsupil kanimo ug sa pagsalikway namo sa imong kasugoan ug mga lagda.