12. Malipay siya pag-ayo sa iyang kadaogan ug linibo sa iyang mga dinakpan ang iyang pamatyon apan ang iyang pagkamadaugon dili molungtad ug dugay.
13. “Sa makausa pa ang hari sa Siria magtigom ug mas daghan pang kasundalohan ug tapos ang pipila ka tuig mosulong siya uban sa daghang kasundalohan ug mga kahimanan.
14. Niadtong mga panahona daghang makiggubat sa hari sa Ehipto. Daniel, daghan sa imong katawhan nga maisog ang moalsa batok kaniya ingon nga katumanan sa panan-awon apan dili sila molampos.
15. Unya mosulong ang hari sa Siria ug libotan ug ilogon niya ang usa ka kinutaang siyudad. Dili na mosukol kaniya bisan ang piniling kasundalohan sa Ehipto kay wala na man silay igong kusog.
16. Busa buhaton sa taga-Siria bisag unsay iyang gusto kay wala may makapugong kaniya. Mobarog siya diha sa yuta sa Saad ug mailalom kini sa iyang gahom sa hingpit.