10. Apan sa tago nagsugo si Absalom ug mga tawo ngadto sa tanang mga banay sa Israel aron ingnan ang mga tawo, “Inigkabati ninyo sa tingog sa trumpeta, singgit kamo, ‘Si Absalom hari na sa Hebron!’”
11. Mikuyog kang Absalom ang 200 ka tawo nga taga-Jerusalem nga mga dinapit niya apan wala silay kasayoran sa laraw ni Absalom.
12. Ug samtang naghalad si Absalom ug mga mananap nga sunogon, gipakuha niya si Ahitofel nga magtatambag ni David gikan sa siyudad sa Gilo. Nagkadako ang tinguha sa pag-alsa batok kang David ug nagkadaghan ang mga tawo nga dapig kang Absalom.