32. Sa pag-abot ni Eliseo sa balay, nakita niya ang bata nga nagbuy-od sa iyang higdaanan nga patay na.
33. Busa misulod siya ug gisirhan niya ang pultahan ug nag-ampo siya sa Ginoo.
34. Unya gihap-an niya ang bata ug gitungod ang iyang baba sa baba sa bata, ang iyang mata sa mata sa bata ug gitapion usab niya ang iyang kamot sa kamot sa bata. Ug samtang gihap-an niya ang bata, nanginit kini.
35. Busa mitindog si Eliseo ug nagpasupaso sa lawak unya mihapa na usab siya. Miatsi ang bata sa makapito ug mibuka sa iyang mata.