1. Walo ka tuig ang panuigon ni Josias sa pagsugod niya paghari sa Juda ug naghari siya sulod sa 31 ka tuig didto sa Jerusalem. Si Idida nga anak ni Hadaya nga taga-Boscat maoy iyang inahan.
2. Matarong siya atubangan sa Ginoo ug gisunod niya ang gibuhat sa iyang katigulangan nga si David. Wala gayod siya motipas sa dalan nga matarong.
3. Sa ika-18 nga tuig sa paghari ni Josias, gisugo niya si Safan pag-adto sa Templo. Si Safan mao ang sekretaryo sa hari. Anak siya ni Asalias ug apo ni Mesullam. Giingnan siya sa hari,
4. “Lakaw ngadto kang Hilkias, ang Pangulong Pari, aron iphon niya ang kuwarta sa katawhan nga nadawat sa mga pari nga nagbantay sa pultahan sa Templo sa Ginoo.
5. Ipahatag kini ngadto sa mga nagdumala sa trabaho sa Templo aron silay mohatag niini ngadto sa mga trabahador nga nag-ayo niini,