16. Bisan gani si Maaca nga iyang apohan gikuhaan ni Asa sa katungod sa pagkarayna kay naghimo man siyag debulto sa diosa nga si Asera. Gidugmok ni Asa ang debulto sa iyang apohan ug gisunog kini niya didto sa Walog sa Kidron.
17. Apan nagpabilin gihapon ang mga halaran sa mga diosdios nga didto sa kabungtoran sa Israel. Bisan pa niana, si Asa hingpit nga nag-alagad sa Ginoo sa tibuok niyang kinabuhi.
18. Gidala niya ngadto sa Templo sa Dios ang mga gasa nga hinatag sa iyang amahan ug ang kaugalingon niyang mga gasa, salapi, bulawan ug mga galamiton.
19. Wala nay gubat nga nahitabo hangtod sa ika-35 nga tuig sa iyang paghari.