Daang Tugon

Bag-ong Tugon

1 Mga Hari 16:18-24 Ang Bag-ong Maayong Balita Biblia (RCPV)

18. Ug sa pagkakita ni Zimri nga nakuha na ang siyudad, miadto siya sa palasyo ug naghikog pinaagi sa pagsunog niini.

19. Nahitabo kini tungod sa iyang mga sala ug sama kang Jeroboam, giangin niya ang Israel sa pagpakasala.

20. Ang tanang nabuhat ni Zimri lakip ang daotang laraw nga iyang nahimo nahisulat sa Kasaysayan sa mga Hari sa Israel.

21. Unya ang katawhan sa Israel nabahin sa duha: ang katunga misunod kang Tebni nga anak ni Ginat aron nga himoon siyang hari ug ang laing katunga misunod kang Omri.

22. Apan ang katawhan nga misunod kang Omri mibuntog sa katawhan nga misunod kang Tebni. Namatay si Tebni ug si Omri maoy nahimong hari.

23. Sa ika-31 nga tuig sa paghari ni Asa sa Juda, si Omri misugod paghari sa Israel ug naghari siya sulod sa 12 ka tuig. Unom ka tuig ang iyang paghari didto sa Tirza.

24. Unya gipalit niya ang bungtod sa Samaria gikan kang Semer sa kantidad nga 68 ka kilo nga plata. Naghimog kota si Omri sa maong bungtod ug nagtukod ug usa ka lungsod didto ug ginganlan niya kinig Samaria agig pasidungog kang Semer nga maoy tag-iya niini kaniadto.

Basaha ang bug-os nga kapitulo 1 Mga Hari 16