1. Sa kataposan, mga igsoon, pagmalipayon kamo diha sa Ginoo. Dili ko igsapayan ang pagsubli sa gisulat ko na kaninyo kaniadto kay kini makaayo man kaninyo.
2. Pagbantay kamo sa mga iro, sa mga tawo nga nagbuhat ug daotan ug sa mga nag-ingon nga kinahanglan gayod ang pagpatuli.
3. Kay kita, ug dili sila, ang tinuod nga tinuli, kay nagsimba man kita sa Dios pinaagi sa Espiritu ug nagkalipay sa atong pagkinabuhi diha kang Cristo Jesus; wala kita magsalig sa mga seremonyas.