21. Kaniadto layo kamo sa Dios ug kaaway niya tungod sa daotan ninyong mga hunahuna ug buhat.
22. Apan karon, gipasig-uli na kamo sa Dios ngadto kaniya pinaagi sa kamatayon sa iyang Anak aron makaatubang kamo kaniya nga balaan, putli ug walay sala.
23. Mahimo kini kon magpadayon kamo nga lig-on sa pagtuo ug dili matarog sa paglaom nga inyong nahuptan sa inyong pagdawat sa ebanghelyo. Ako, si Pablo, nahimong sulugoon niining ebanghelyo nga giwali ngadto sa tanang mga tawo.