1. Si Agripa miingon kang Pablo, “Gitugotan ka pagpanalipod sa imong kaugalingon.” Unya giisa ni Pablo ang iyang kamot ug miingon:
2. “Hari Agripa, giisip ko nga ako palaran tungod kay karong adlawa sa imong atubangan makapanalipod ako sa akong kaugalingon batok sa tanang gipasangil kanako sa mga Judio,
3. labi na gayod kay sinati ka man kaayo sa tanang pamatasan ug mga kabangian sa mga Judio. Busa naghangyo ako kanimo sa pagpamati kanako uban ang pailob.