10. Apan nanaog si Pablo ug miyuko ug gigakos niya si Eutico. Unya miingon siya, “Ayaw kamog kabalaka kay buhi pa siya!”
11. Unya mibalik si Pablo sa itaas ug gipikaspikas niya ang pan ug mikaon. Nakigsulti siya kanila hangtod sa kaadlawon ug unya mibiya siya kanila.
12. Buhi nga gidala sa mga tawo si Eutico ngadto sa ila ug nalipay sila pag-ayo.
13. Miuna kamig gikan ug milawig ngadto sa Asos aron among hapiton si Pablo kay mao man kini ang iyang gitugon kanamo kay nagbaktas man siya pag-adto didto.
14. Sa iyang pagsugat kanamo sa Asos, gipasakay namo siya ug mipadayon kami sa Mitilene.