44. Apan karon sultihan ko kamo: higugmaa ang inyong mga kaaway ug pag-ampo kamo alang sa mga tawo nga nagpasipala kaninyo
45. aron makita nga kamo matuod nga mga anak sa inyong Amahan nga atua sa langit. Kay siya, sa walay pagpili, nagpasidlak sa iyang adlaw ug naghatag ug ulan ngadto sa mga matarong ug sa mga makasasala.
46. Nganong magpaabot man kamo ug ganti gikan sa Dios kon ang inyong gihigugma mao lamang kadtong mga tawo nga nahigugma kaninyo? Dili ba bisan gani ang mga kobrador sa buhis nagbuhat man niana?
47. Kon kamo mahigalaon ngadto lamang sa inyong mga higala, unsa may nahimo ninyo nga labaw pa sa gihimo sa kadaghanan? Dili ba bisan gani ang mga tawo nga wala moila sa Dios nagbuhat man niana?
48. Kinahanglang magmahingpit kamo ingon nga hingpit ang inyong Amahan nga atua sa langit.