28. Si Jesus miingon kanila, “Isulti ko kini kaninyo: iniglingkod unya sa Anak sa Tawo sa iyang mahimayaong trono diha sa Bag-ong Kalibotan, kamong napulog-duha ka tinun-an molingkod usab sa mga trono aron pagmando sa napulog-duha ka banay sa Israel.
29. Ug ang tanan nga mibiya sa ilang balay, mga igsoon, amahan, inahan, mga anak o mga uma tungod kanako makadawat ug labaw sa usa ka gatos ka pilo ug hatagan pa gayod siyag kinabuhing dayon.
30. Apan daghan sa nag-una karon maulahi ug daghan sa naulahi karon mahiuna.