27. Si Jesus miingon kanila, “Ayaw kamo kahadlok! Ako kini!”
28. Unya si Pedro miingon, “Ginoo, kon ikaw kana, palakta ako sa tubig nganha kanimo.”
29. “Dali ngari,” mitubag si Jesus. Busa mikawas si Pedro sa sakayan ug milakaw sa tubig ngadto kang Jesus.
30. Apan sa pagkamatikod niya sa kusog nga hangin, nahadlok siya ug misugod pagkaunlod. Busa misinggit siya, “Ginoo, luwasa ako!”
31. Dihadiha gikuptan siya ni Jesus ug gibira ug miingon si Jesus kaniya, “Pagkagamay sa imong pagtuo! Nganong nagduhaduha ka man?”